Abadabuka eZimbabwe abahlala kwamanye amazwe bathi luqakatheke kakhulu usuku lweziphepheli olweWorld Refugee Day ngoba kunengi ababhekane lakho emazweni atshiyeneyo.
Uhulumende weZimbabwe unakanela ukuba kulezizalwane zelizwe leli ezingedlula izigidi ezine – 4 million ezihlala kwamanye amazwe.
Abahlala eTongogara Refugee eManicaland kwele Zimbabwe badabuka eDemocratic Republic of Congo, Rwanda, Somalia, Mozambique lamanye amazwe. (VOA)
Abanye basuswa kwele Zimbabwe yindlala, yikuswelakala kwemisebenzi, ezombusazwe lokunye.
Akwaziwa ukuba bangaki abavalelwe ezinkambeni okuhlala iziphepheli emazweni atshiyeneyo.
UNkosazana Khethiwe Bhebhe, olesicoco sokwemba amatshe aligugu ohlala kwele Botswana, uthi luqakatheke kakhulu usuku lweziphepheli ngoba zinengi kakhulu emhlabeni wonke jikelele.
Kulenhlelo ezitshiyeneyo eTongogara Refugee Camp eManicaland, Zimbabwe.
Lokhu kusekelwa nguMnu. Ngqabutho Mabhena, umngcinisihlalo wenhlanganiso yeZimbabwe Community in South Africa, othi iziphepheli kumele ziphathwe ngemfanelo.
UMfundisi Useni Sibanda, umqondisi wenhlanganiso yeZimbabwe Christian Alliance, uthi kumele iziphepheli zihlonitshwe.
Usuku olweziphepheli olweWorld Refugee Day lonyaka lunanzwa phansi kwesihloko esithi: Whoever, Wherever and Whenever: Everyone has the right to seek safety.
SEE ALSO:
Kunanzwa Usuku Lweziphepheli