Uphenyo olwenziwe yinhlanganiso yeAfrobarometer luveza ukuthi abantu beZimbabwe abayisilinganiso samatshumi ayisikhombisa lambili, 72 percent, bathi ilizwe libuswa ngendlela embi njalo bathi kumele uhulumende aphange alungisise umnotho kanye lokusilela kwemisebenzi.
Abantu abayisilinganiso samatshumi amabili lasithupha, 26 percent, yibo kuphela abathi ilizwe lihamba ngendlela enhle. IAfrobarometer yethule impumela yaloluphenyo izolo.
Ithi kusukela uMongameli Emmerson Mnangagwa ethatha umbuso ngo2017, inengi lithi kaqhubi kuhle umsebenzi.
Ngokufanayo, inani labathi ilizwe lisendleleni enhle lalo liqhubeka lisehla.
Uphenyo lolu luthi ukubhidlika komnotho kanye lokusilela kwemisemenzi yikho okumqoka ukwedlula konke abantu abafuna kulungiswe ngokuphangisa.
Isiphathamandla sebanda leCitizens Coalition for Change koBulawayo uMnu Swithern Chiroodza uthi uphenyo lolu luveza sobala ukwehluleka kukaMnangagwa.
UMnu Swithern Chiroodza yisikhulumeli sebandla leCitizens Coalition for Change koBulawayo.
Your browser doesn’t support HTML5
Ingxoxo loMnu. Swithern Chirowodza
Sixoxe njalo lelunga leZanu PF uMnu Believe Gaule yena othi uphenyo lolu luqoqwe ngabantu abazonda uhulumende.
Your browser doesn’t support HTML5
Ingxoxo loMnu. Believe Gaule