WASHINGTON DC - UMongameli Emmerson Mnangagwa uthi ukhathazekile ngokwanda kwamacala ezigebengu ezitshontsha zihlomile eZimbabwe kanye lezigilamkhuba ezibulala abantu zifuna izitho zokwenza imithi.
UMnangagwa wethule amazwi la emngcwabeni weqhawe lesizwe uMnu Godfrey Chanakira, eHeroes’ Acre izolo.
Ukhuthaze ababona ngokugcinwa komthetho ukuthi balwisane lalimikhuba kabanzi njalo bathethe amacala aloluhlobo ngokuphangisa izephulamthetho zivalelwe.
Ubugebengu babantu abatshontsha behlomile sobubhahile eZimbabwe. Amasotsha lamapholisa lawo alesandla kulokhu, nanku manengi asebotshiwe afunyanwa elecala.
Isiphathamandla senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi ngempela izigebengu kumele ziphathwe ngesandla esilukhuni ngoba sezithwalise uzulu gadalala.
Your browser doesn’t support HTML5
Ingxoxo loMnu Thembelani Dube