UMongameli Volodymyr Zelenskyy wakwele Ukraine ukhangelelwe ukuba namuhla uzakwethula umbiko oqakathekileyo edale leEuropean Council lapho azacela khona ukusekelwa ngamazwe akuzwekazi leli ngokunikwa izikhali zokulwisana leleRussia.
UZelenskyy uthi ibutho lakhe lilakho ukukhulelwa ngeleRussia engaswela izikhali ezinkulu. Abezindaba abeReuters babika ukuba okhokhela idale leEuropean Council, uMnu. Charles Michel, usanda kuloba incwadi eveza ukuba bayakuthakazelela okwenziwa ngele Ukraine elilwisana lelizwe elilemibhobho emikhulu njalo ebhidliza okumangalisayo.
Okwamanje, eleUkraine selithole uncedo oluvela kwele Melika, eGermany lamanye amazwe.
UMnu. Nkululeko Gwabalanda Mathe, olandela okwenzakala kwele Ukraine, uthi abantu bathwele nzima ngempi kwele Ukraine.
UMnu. Limukazi Mpofu, laye olandela impi ekwele Ukraine, uyakusekela lokhu.