Umdlalo phakathi kweqembu lenguqu eleHighlanders lele Dynamos umiswe isikhathi singakatshayi kulandela ukuqhamuka kodlakela eleBosso lisanda kulithela emambuleni.
Umdlalo lo, obulandelwa yiStudio 7 kumabonakude, uveze inzondano emangalisayo phakathi kwabalandeli bamaqembu la kulandela ukulimala komunye wabadlali beqembu leBosso okhatshwe ngoweqembu leDembare.
Kuthe eleBosso selitshayele emambuleni, abalandeli beqembu leDynamos bazame ukubaleka legedi besithi unompembe kaphathanga kahle umdlalo lo.
Iqembu leBosso, elaziwa ngebizo lokusoma elithi uMantengwane, lidlale okubukekayo ngesonto lobanje eleDembare belibuya ngamandla sonke isikhathi.
Amapholisa ahlome aphelela kabanye abalezinja bacine bexotsha abalandeli bamaqembu la akade bethobelene.
Kubikwa ukuba kulabanye abantu abatshaywe ngamapholisa kwathi abanye babotshwa.
Asenelisanga ukuxoxa ngodaba lolu leziphathamandla zenhlanganiso yenguqu eyeCastle Lager Premier Soccer League
Omunye wabantu ababukele umdlalo lo, uNgqabutho Sibanda, utshele umsakazo weStudio 7 ukuthi ukulinyazwa komdlali weBosso yikho okwenze abantu bacaphuka bacina bengena enkundleni yemidlalo.
Uthi abakubandla leDynamos labo bangene enkundleni bayabuthana kweyinye intuba yomdlalo bazama ukubaleka legedi.
"Angikaze ngikubone lokhu. Abantu laba bekungani bathunyiwe. Kumele bejeziswe."
Akwaziwa ukuba iPSL izathatha isinqumo bani ngomdlalo lo.