WASHINGTON DC - Ugatsha olubona ngezendle, olweZimParks, luthi abantu asebebulewe zinyamazana zeganga lonyaka selisedlula amatshumi amathathu lanhlanu, 35, kulandela ukubulawa kowesilisa yindlovu eVictoria Falls izolo ebusuku.
Isikhulumeli salolugatsha uMnu Tinashe Farawo utshele umsakazo weStudio 7 ukuthi balusizi kakhulu ngalesi sehlakalo. Uthe ngeviki edluleyo kulabantu ababili njalo ababulawe zindlovu eVictoria Falls.
UFarawo uxwayise abantu ukuthi bekele ukuhamba ebusuku, ikakhulu endaweni ezaziwayo ukuthi zilenyamazana eziyingozi kanti njalo uthe kumele uzulu atshiyane lokuhlokoza inyamazana ngoba kulapho ezisuke zibe lolaka khona zihlasele.