Amapholisa eZimbabwe ngoLwesihlanu ethule umbiko othi ukujikwa kwensimbi ezihlabayo ezazakala ngokuthiwa ngama spikes akusavunyelwa.
Amapholisa athi ngakho-ke kumele wonke amapholisa engazisebenzisi futhi insimbi lezi esezidale ingozi ezinengi emigwaqweni.
Lokhu kwethulwe encwadini ebhalwe ngumkhulu wamapholisa, uCommissioner General Godwin Matanga, othe amapholisa azasebenzisa insimbi lezi azabotshwa avalelwe ejele.
Uzulu uthi isinqumo esithethwe nguhulumende esokumisa ukusetshenziswa kwensimbi lezi siyinto enhle ngoba lokhu besekubulalise kwalimazisa abantu abangela macala.
UMnu Liberty Chirumo, olwela amalungelo oluntu, uthi amapholisa abe esephazamisa amalungelo kazulu ngokusebenzisa lezi nsimbi.
“Ngithabe kakhulu ngoba lokhu kunceda thina esigada imitshova ngoba amabhasi awatholakali.”
Uqhubeke esithi kumele amapholisa abhale phansi inombolo ze mota bazisebenzise ukudinga imota ezibalekayo kulokuvimba ngensimbi lezi.
“Asifuni ukuwabona ama-spikes, ingozi esizibone zisenzakala eMutare kakumelanga zenzakale loba kungaphi e Zimbabwe. Kawahle amiswa mtshokotsho ama-spikes.”
UMnu Tafadzwa Mlilo yena uthi insimbi lezi zake zajikwa ephakathi kweyinye imota esithi isinqumo sokuba zingasetshenziswa uyasamukela.
“Indaba leyi siyathaba ukuba ama-spikes seze amiswa kwakuvunyelwe lase High Court. Kuthiwani ngalabo abalezimota ezafayo.”
Lokhu kusekelwe nguNkosikazi Lisa Nala othi amapholisa abe esesiba yingozi kuzulu ngokusebenzisa lezi nsimbi.
“Siyabonga kakhulu ngoba indaba zezungozi besezizinengi kakhulu ngenxa yokujikwa kwama spikes emoteni ezihambayo.”
Amapholisa abesebenzisa lezindlela kulandela isinqumo esabekwa lidale leHigh Court kuminyaka esanda kwedlula esokuba insimbi lezi zingasetshenziswa ukuze kubanjwe abatshayeli abayabe bebaleka nxa bemiswa ngamapholisa.
Kodwa lesi sinqumo kasizange silandelwe ngamapholisa. Kulemota esanda kubhewuka eMutare lapho okubhubhe abantu abane kulandela ukuzotshaniswa komtshayelo ngamapholisa.
Inhlanganiso yePassengers Association of Zimbabwe yazama ukuphanyeka udaba lolu emthethwandaba isola ukusetshenziswa kwensimbi lezi.
SEE ALSO:
Udaba Esilethulelwe NguMlondolozi Ndlovu