Umanyano wamazwe omhlaba owe United Nations uthi njengoba kungakacaci ukuthi impi ephakathi kweleRussia leleUkraine izaphela nini, uzaqhubeka uncedisa abantu ngokudla, ukubahlenga, langemizamo yokuqeda impi le.
Lokhu kuvezwe ngunobhala jikelele walumanyano uMnu. Antonio Guterres ekhuluma lentathelizindaba ngoLwesithathu eAustria.
Eminye imbiko ithi uNkosazana Maria Alyokhina, ilunga leqembu labesifazana elomculo elizibiza ngokuthi Pussy Riot, usebalekile EeRussia ezigqokise samuntu othwala ukudla. Amalunga aleliqembu ayake ebotshwe nguhulumende we Russia ngoba ebikwa ephikisana lomongameli Vladimir Putin walelolizwe.
Ukuhlaziya loludaba, sixoxe loMnu. Ralph Mthombeni isizalwane seZimbabwe esihlala eMelika.