Amapholisa ahlome aphelela aphume ngobunengi ngoMvulo esithi afuna ukuzolondoloza ukuthula kulandela isimemezelo esenziwe yinhlanganiso ezimela abafundi lezisebenzi sokutshengisela ngokungayi emsebenzini zikhonona ngomumo womnotho lowezombusazwe ongamanga kuhle elizweni.
Amabhizimusi amanengi abevuliwe koBulawayo kuthi amapholisa alihlekana ahlomileyo ebebonakala endaweni ezehlukeneyo zelizwe ezikolweni ezinengi abafundi lababalisi bebengekho.
Umongameli weZimbabwe National Students Union uMnu Benon Ncube uthi isemezelo sabo siphumelele ezikolo ngoba kuvuke kulamapholisa ahlomileyo emakolitshini njalo abayanga ezikolo.
“Sikhalale ukuya esikolo kulandela ukulobela uhulumende kanengi ngobunzima esibhekane labo njengabafundi ezweni kodwa engaphenduli ngakho namuhla bekungokokuqala ukukhalala ukuya esikolo njalo siyabona ukuba usezwile izikhalazo zethu uhulumende ngoba lamhlanje amapholisa ahlomileyo avuke egcwele ezikolo ezibalisa iNust, UZ, kulamapholisa eBindura University leGZU sesimelele impendulo yokuthi ischool fees sehliswe engekela sizaqhubekela phambili azi ayehlise.
UNkosazana Nomqele Moyo, ofunda eNational University of Science and Technology, uthi izifundo zimisiwe lamhlanje.
“Ukukhalala ukuya esikulo bekubalulekile kithi ngoba okwamanje abazali bethi abenelisi ukuhlanganisa imali basibhadalele esikolo ngakho sithi ngokutshengisela kwethu lokhu uhulumende kehlise ischool fees sethu ukuze sifunde siphutshe kuhle izifundo zethu.”
Olwela amalungelo oluntu umqondisi wohlelo olweThis Constitution uNkosikazi Abigail Mupambi upha umbono wakhe ngokutshengisela kwanamhlanje ngokungayi emsebenzini.
“Abafundi batshenguselel ngokuthola kodwa amabhizimusi aqhubeke esebenza uhlupho olunekhona yikuthi lumnkankaso wolukhalala umsebenzi ubusebulenjini kakhulu njalo inukhulunyelwa kakhulu ngabantu abangekho ezweni futhi abamabandla okunye okunangele ukuba ungaphumi ngendlala ebesikhngelele ngayo kodwa izwi lifikile ukhulumende izinto azimanaga kahle ezweni okucina kuphazamisa abafundi lezisebenzi njalo lohulumemde usevuma ukuba isimo somnotho laye sesimkhama.”
Enkundleni yabo yebulenjini iTwitter amapholisa achaze ukuba ukutshengisela kwalamuhla akuphumelelanga njalo bakhuthaze abantu ukuba bamangalele abantu abazabangela udlakela.
Uhlangothi lukahulumende olubona ngokuqhatshwa kwezisebenzi zakhe olweZimbabwe Public Service Commission lwethule umbiko okhuthaza zonke inkokheli zengatsha lenhlangothi ezitshiyeneyo zikahulumende ukuba inanzelele bonke abaze emsebenzini labangabuya kuthi abangabuyanga kumele batsho isizatho esibangele ukungezi emsebenzini. Abanye bathi kubenzima kibo ukukhalala umsebenzi ngoba inengi labantu selizisebenza bethi ezikolo ukukhalala umsebenzi kuphumelele ngoba abafundi abanengi abayanga.
Amapholisa abikwa abegcwele indawana yonke e Harare ikakhulu ekholitshini elikhulu eleUniversity of Zimbabwe, e Harare Polytechnic le Africa Unity Square. Abikwa njalo abegcwele emadolobheni anjengaboGweru, Mutare, Masvingo lamanye kodwa akuzange kube lodlakela oluke lwaqamuka endaweni zonke lezi ngenxa yokutshengisela lokhu.
SEE ALSO:
Udaba Esilethulelwe NguAnnastacia Ndlovu