WAHSINGTON DC - Amatitshala lawo athi azaphatheka ekutshengiseleni phezu kokonakala komnotho lokukhwela kwama-school fees okuzaqhutshwa ngoMvulo.
Abafundi bemakolitshini elizweni jikelele bathi bazatshengisela ngokungayi esikolo bekhonona ngokukhuphuka kwembadalo yemfundo lendawo zokuhlala okwenziwe kabili ngesikhathi esifitshane.
Umkhankaso lo ugqugquzelwa enkundleni yeTwitter, lapho abantu abakhuthazwa ukuthi bengayi emsebenzini ngoMvulo ngenxa yokukhwela kwentengo yokudla lempahla kunye lokungaqutshwa kuhle komsebenzi wezimota ezithwalwa uzulu.
Inhlanganiso ekhuthaza umbuso okhululekileyo eyeTeam Pachedu yiyo ekhokhela lumkhankaso.
Isikhulumeli senhlanganiso yamatitshala emaphandleni eyeAmalgamated Rural Teachers’ Union of Zimbabwe uMnu Thembakuye Moyo utshele iStudio 7 ukuthi bazaxhasa abafuna ukuphatheka ekubhikitsheni lokhu, khona okuphiwe igama elithi Zimbabwe Shutdown.
Your browser doesn’t support HTML5
Ingxoxo loMnu Thembakuye Moyo