WASHINGTON DC - Ibandla leCitizens Coalition for Change (CCC) lithi uMongameli Emmerson Mnangagwa kumele ekele ukudinga abathakathi phezu kokudilika komnotho avume ukuthi uhulumende wakhe useyehlulekile.
UMnanganga etshele umhlangano wabasakhulayo beZanu PF eHarare izolo ukuthi kulezizalwane zeZimbabwe ezisebenza lezitha eziphehla ukugenqulwa kwakhe embusweni ngokudiliza umnotho lokukhweza intengo yezinto mahlayana.
“Siyakwazi ukuthi kulabanye bethu abasebenza lezitha emizameni yokugenqula uhulumende ngokudiliza umnotho lokukhuphula intengo yezinto,” kutsho uMnangagwa.
“Uhulumende wami uphezo kwalo loludaba. Izephulamthetho zizajeziswa. Ngikhuthaza abasakhulayo ukuthi balimuke njalo baphathise emizameni yokuchaya abantu laba abazonda ilizwe lethu.”
Your browser doesn’t support HTML5
Amazwi kaMongameli Emmerson Mnangagwa
Kodwa umsekeli wesikhulumeli seCCC uMnu Felix Magalela Mafa Sibanda utshele iStudio 7 ukuthi uMnangagwa kumele avume ukuthi sokumehlule.
Your browser doesn’t support HTML5
Ingxoxo loMnu Felix Magalela Mafa Sibanda