WASHINGTON DC - Ibandla leMDC-T elikhokhelwa nguMnu Douglas Mwonzora lithi lizaqhuba umhlangano omkhulu wokukhetha inkokheli yalo entsha oweOrdinary Congress ekupheleni kwenyanga ezayo.
Lithi njalo amalunga alo azaphatha ezinye indaba ezimqoka ezifana lokuguqula isisekelo sebandla, i-constitution, nxa kulesidingo.
Umhlangano we-congress lo uza ngesikhathi amanye amalunga eMDC-T esola umkhokheli walelibandla uMnu Douglas Mwonzora kulandela ukunqotshwa kwalo kukhetho lwamaby-elections ngoMbimbitho lapho elehluleke khona ukuphuma ngitsho lesihlalo esisodwa.
Isikhulumeli salelibandla uMnu Witness Dube utshele iStudio 7 ukuthi abafuna ukuncintisana loMwonzora bedinga ukukhokhela iMDC-T bavunyelwe ngoba ibandla labo lingelikazulu.
Your browser doesn’t support HTML5
Ingxoxo loMnu Witness Dube