Abenhlanganiso elwela amalungelo entathelizindaba, eye of Southern Africa- Misa Zimbabwe MgoMvulo, bamanyene labohlangothi lwezemfundo enhlanganisweni yomanyano wamazwe womhlaba olweUnited Nations Educational Science and Cultural Organisation -UNESCO kanye labakuhulumende emkhosini wokunanza ilanga lentathelizindaba, eleWorld Press Freedom Day.
Emkhosini lo, owenzelwe koBulawayo intathelizindaba ziveze inkinga ezibhekane lazo zokungatholi inkululeko epheleleyo ukuqhuba umsebenzi wazo kanye lodubo osoludalwa zindaba ezingela qiniso eziphuma enkundleni ezehlukeneyo zebulenjini lokuncipha kwamathuba emisebenzi ngezindaba eziphuma ebulenjini idigitization.
Umabhalane omkhulu kugatsha lukahulumende olubona ngokwethulwa kwemibiko, uMnu Nick Mangwana obekhona emkhosini wanamhlanje, uveze ukuba uyajabula ukuba uhulumende lentathelizindaba sebesiba lobudlelwano obungcono kusukela kuminyaka emine edlule.
Uqhubekele phambili ethi udubo olukhona yikuthi iCovid-19 iphazamise ukwethulwa kwemibiko ngendlela eqondileyo yabulala intathelizindaba ezimbalwa njalo baphakathi kokuqondisa imithetho ephazamisa ukusebenza kwazo.
“Ubudlelwano bukahulumende leNtathelizindaba kusukela kuminyaka emine edlule balobudlelwano obuhle njalo buzaqhubeka bulolongwa kuze lufike kuzinga elibukwa ngumhlaba. Udubo esibhekane lalo ekuthapheni lekukhupheni imiboko yiCovid-19 esikenjalo yathatha imiphefumulo yeNtatjelizindaba ezehlukeneyo njalo lwenzakala beyithapha besemsenemzini.”
UMnu Alick Ncube ilunga lekomishini elawula umsebenzi wokwethulwa kwezindaba eyeZimbabwe Media Commission uthi kubalulekule ukusebenza kwentathelizindaba zikhululekile besebenzisa imitshina yakulezi nsuku.
“Kuqakathekile ukuthi ilizwe libone ukuba ukusebenza kweNtathelizindaba kuhlelekile njalo akula zikhubekiso ngesikhathi umhlaba uqala ukusebenzisa imitshina yakulezi insuku ekuthapheni lekusakazeni indaba lingabi lamalungelo ayephulwayo njalo lokhu kuhambelana lendikimba yethu yalonyaka yokuthakazelela ilanga leWorld Press Freedom Day.”
UMbalisi ekolitshini leNational University of Science and Technology laye eyintathelizindaba, UNkosazana Andile Tshuma uchasisa ngokuqakatheka kokusetshenziswa kwemitshina yakulezi nsuku.
“Siyajabula ukuthakazelela ilanga leWorld Press Freedom Day ngoba liyasenza sizicubungule ukuba sisebenza njani njengeNtathelizindaba udubo olukhona nje yokuthi kusuka kubelemigoqo ephazamisa ukusebenza kwethu ngemitshina yakulezi insuku sisebulenjini kubalokubinjwa okuthize ngokudula kokungena ebulenjini lokuvalwa kobulembu mahlayana”
Intathelizindaba uNkosikhona Dibiti uthi indikimba yalonyaka iqakathelile njalo ihambisana lokusebenza kwezebulenjini.
“Sesikunanzelele ukuba amalungelo okusebenza ngemitshina yakulezi insuku lokungena ebulenjini ayaphazamiseka ngezinye indlela osekubangele ukukhathazeka okukhulu ngoba kwenza singathuthuki kodwa sibuyele emuva njengasizwe sikhangele ukuba kungabi lemigoqo esesidlula kiyo lobanje uhulumende elandula lokho.”
UMqondisi weAmakhosikazi Media, uNkosikazi Sibusisiwe Bhebhe uphatha udaba lobuhle lobubi bokusetshenziswa kobulembu ekuthapheni indaba.
“Abesifazana besebekhululekile ukusebenzisa ubulembu ekukhupheni imibiko ethile kodwa ukuhlukuluzwa abahlangana lakho ebulenjini kwenza bahlehlele emuva okusibuyisela emuva kuzolo ebengcindezela anesifazana kwezokulhutshwa kumbe ukuphatheka kundaba sokusakaza kumbe ukuthapha indaba.”
Ilanga leWPFD lalonyaka linanzwa ngaphansi kwendikimba ethi “Journalism under digital seige”. Kusasa uhulumende uzakuba lomunye njalo umkhosi wokunanza lelilanga ekolitshini leNational University of Science and Technology lobanje lelikolitshi lifundisa intathelizindaba kodwa alikabi lomsakazo okuludaba olungaphathi kuhle intathelizindaba e Zimbabwe.
Intathelizindaba seZimbabwe ziveza ukukhathazeka okukhulu ngokuqonga kwendleko yokungena ebulenjini lokungasebenzi kahle kobulembu oluqunywa mahlayana nguhulumende kungaba lokungahlaliseki elizweni. Zikhala njalo ngobunzima bokuthola ulwazi kumbe ingcazelo kuziphathamandla zikahulumende ngokuyabe kusenzakala elizweni.
Your browser doesn’t support HTML5
Udaba lokunanzwa kweWPFD siluphiwa nguAnnahstacia Ndlovu