Intathelizindaba ezimeleyo, uHopewell Chin’ono, uthi uTaurai Kandishaya okubandla leZanu PF obefuna ukuthatha imbuzi zakhe okungekho emthethweni kenelisanga ukukwenza lokhu namuhla emzini wabokhokho bakhe eMurewa.
UChin’ono uthi uKandishaya ubethembise ukuhamba labanye bakhe ayethatha imbuzi zohlobo lwama Boer, azithenga kwele South Africa.
UKandishaya uthi imbuzi lezi ziphansi kohlelo lukahulumende. UChin’ono uyakuphikisa lokhu esithi uKandishaya labanye bakhe bazondiswa yilokhu akwethula emhlanganweni weWorld Summit on Human Rights eGeneva lapho atshela umhlaba wonke jikelele ukuba ilizwe leZimbabwe libhidlizwa yibukhohlakali obesabekayo.
UChin’nono uthi abantu abatshiyeneyo bavimbe emzini wabokhokho bakhe lapho afuya khona imbuzi lezi ezilohlonzi.
Omunye wabavimbe kuleyondawo labanye bakhe nguMnu.. Ostallos Siziba, olilunga lebandla leCitizens Coalition for Change, obuthanise abantu bayamelela uTaurai Kandishaya emzini wako Chin’ono.