Uhlelo lokubhalisela ukuvota lugqitshwe namuhla kulenkuthazo yokuthi lwengezelwe esinye isikhathi. Ibandla le Citizens Coalition for Change lithi lizakusa isicelo sokuthi kwengezelwe isikhathi ngoba abantu abanengi bebengafinyeleli indawo zokubhalisela ukuvota.
Sixoxe lesikhulumeli sebandla leli koBulawayo, uMnu. Swithern Chirowodza.
Your browser doesn’t support HTML5
Ingxoxo loMnu. Swithern Chirowodza
Inhlanganiso ye Ekhaya Vote, engumanyano wenhlanganiso ebezikhuthaza ukubhalisela ukuvota layo ithi kumele loluhlelo lwengezelelwe.
Ekhuluma le ntathelizindaba ze Studio 7 okukhulumela inhlanganiso phansi ko mkhamkaso we Ekhaya Vote Umnu Nkosikhona Dibiti okhulumela lezi nhlanganiso uthi kunengi asebekufundile ngesikhathi bencedisana le ZEC ukuthi abatsha bhalise ukuvota.
Uthi abatsha abanengi kabazinikelanga ukubhalisa ukuvota nxa bengela kuphiwa ulwazi olweneleyo ngokuqakatheka kokukhetha inkokheli abayifunayo.
UMnu Dibiti uthi kumele kube lendlela zokukhulumisa labatsha ezehlukene lalezo ezisetshenziswa ukukhuluma labatsha ukuze babhalise ukuvota.
Uqhubeke esithi bancenga inhlanganiso ye ZEC ukuba yengeze amalanga okuba abantu baqhubeke bebhalisa ukuvota.
Ingcitshi kwezombusazwe uNkosikazi Abgail Khuphe uthe zinengi izizatho zabantu bengafuni ukubhalisa ukuvota kwele Zimbabwe.
Isakhamuzi esiphatheke kuhlelo lokubhalisa ukuvota uMnu Douglas Ncube uthi kumele kube lendlela ezibekwe ngu hulumende ukuze abantu babhalise ukuvota.
Uhlelo lokubhalisa ukuvota lwaqala mhlaka 10 Nhlonjalo kulenkuthazo yokuba abatsha babhalise ukuvota ngoba inengi labo lingafuni ukuphatheka kwezombusazwe.
Your browser doesn’t support HTML5
Udaba Silethulelwa ngu Mlondolozi Ndlovu