WASHINGTON DC - UMongameli Joe Biden uthi selokhe engene embusweni nyakanye, eleMelika selidale imisebenzi ephose ingene kuzigidi eziyisitshiyangalombili, 7.9 million.
Uthi njalo isilinganiso sabantu abangasebenziyo sehle saya kokuthathu kuphela ekhulwini, 3.6 percent, khona athi akukaze kwenzakale embalini yelizwe lakhe.
Eloba enkundleni yeTwitter ngoLwesithathu, uMongameli Biden uthe umnotho weMelika usuvuke khwatshu wama ngezinyawo.
Kodwa abanye bathi abavumelani laye ngoba izinto ezigoqela ukudla kanye lamafutha ezimota zidula okumangalisayo.
Ohlaziya ezombusazwe ohlala eTexas, eMelika, uMnu Raphael Mthombeni utshele iStudio 7 ukuthi ubona uBiden ekhuluma iqiniso lanxa nje abamsolayo labo beqinisile ukuthi izinto sezidula kakhulu.
Your browser doesn’t support HTML5
Ingxoxo loMnu Raphael Mthombeni