EleRussia ngoLwesithathu likhulule Ilunga lebutho leMelika, elogatsha lwamaMarines, elalibotshiwe kulelolizwe kwathi eleMelika lalo lanikeza iMoscow isibotshwa salelolizwe esasipika ejele ngokuphathelane lokuthengiswa kwezidakamizwa.
Lokhu kugcizelelwe ngamazwe womabili njalo umabhalane kahulumende weMelika uMnu. Antony Blinken wethule umbiko esithi ngempela uMnu. Trevor Reed owayebotshwe ngokungekho emthethweni ukhululwe.
UMnu. Reed ubikwa wayesetheswa icala lokutshaya ipholisa kweleRussia.
Ingcwethi zithi inyathelo leli limangalise abanengi ngoba ubudlelwano beRussia leMelika abukho kusimo esihle selokhe lelolizwe lahlasela eleUkraine.
Kusenjalo eleMelika lithi liyaqhubeka ngokuphathisa eleUkraine kumpi esaqaubeka leleRussia. Umanyano wamazwe omhlaba oweUnited Nations uthi eleRussia livumile ukuthi uhlenge abantu makhaza edolobheni le Mariupol. Ukuhlaziya lezi izehlakalo, sixoxa loMnu. Anglistone Sibanda, ingcwethi ecubungula ezombusazwe njalo elwela ilungelo loluntu.
Your browser doesn’t support HTML5
Ingxoxo loMnu. Anglistone Sibanda