WASHINGTON - Umsekeli kaMongameli weMelika, uNkosikazi Kamala Harris, sebanjwe umkhuhlane weCovid-19.
Eloba enkundleni yeTwitter izolo, uHarris uthe lanxa kunjalo, uziphilele kuhle njalo akalazo impawu kumbe izibonakaliso zalumkhuhlane.
Ngokunjalo, uthe uzizwa elenhlanhla kakhulu ngoba wahlatshwa amajekiseni eCovid-19 wonke womabili ndawonye leyesithathu yokuvuselela amasotsha omzimba, i-booster shot.
Uhulumende weMelika useyekethisa imigoqo ayifake ngenjongo yokwenqabela i-coronavirus, osokubangele ukuthi abanye bengagqoki ama-mask kwezinye indawo zikazulu ezifana lamabhasi lezitimela.
Osebenza kwezempilakahle kulelilizwe esabelweni seMaryland, uNkosazana Brenda Moyo, utshele iStudio 7 ukuthi umzekeliso kaHarris utshengisa sobala ukuthi amajekiseni ayasebenza nanku esithi uzizwa ephilile lanxa nje ebanjwe lumkhuhlane.
Your browser doesn’t support HTML5
Ingxoxo loNkosazana Brenda Moyo