WASHINGTON - Inkisela edabuka kweleSouth Africa esiyisizalwane seMelika uMnu Elon Musk sethenge inkundla yokuxhumana ebulenjini be-internet, iTwitter, ngeUS$44 billion.
UMnu Musk ngusomabhizimusi olamankampani agoqela elungisa ama-rockets, iSpaceX, kanye lelungisa izimota ezisebenzisa amandla kagetsi, iTesla Motors.
Iziphathandla zeTwitter zithethe isinqumo sokuthengisela uMusk linkampani izolo.
Lanxa bekhona abakujabulelayo lokhu, abanye bayakusola ngoba uMusk uthi uzayekethisa imigoqo ebisenqabela abantu ukwethula yiloba yiphi imibono kulinkundla.
Usomabhizimusi weZimbabwe ohlala eMelika, uMnu Muzobanzi Ncube, uthi lanxa etshayela uMusk ihlombe ngokuthenga iTwitter, kaumelani lombono wokuvumela yonke imbono kulinkundla ngoba eminye ingaxabanisa abantu.
Your browser doesn’t support HTML5
Ingxoxo loMnu Muzobanzi Ncube