WASHINGTON - Unobhala obona ngobudlelwano beMelika lamanye amazwe uMnu Antony Blinken lonobhala wezomvikela uMnu Lloyd Austin bethekelele kweleUkraine ngeSonto ukuyakhulumisana loMongameli walelolizwe uMnu Volodymyr Zelenskyy mayelana ngokuhlaselwa kwelizwe lakhe ngeleRussia.
Lokhu ngokwakuqala ukuthi iziphathamandla zeMelika ezisezikhundleni zaloluhlonzi ziye kweleUkraine kulandela ukuhlaselwa kwalo kumpi esaqhubeka.
Lanxa imininingwane yalumhlangano ingaziswanga ngokugcweleyo, uMongameli Zelenskyy ubekhangelelwe ukucela ababili laba ukuthi bakhuthaze uBiden aphe ilizwe lakhe izikhali zokulwisana leRussia.
Ocubungula ezombusazwe uMnu Tim Muringai utshele iStudio 7 ukuthi umhlangano weziphathamandla zeMelika lezi loMongameli Zelenskyy uqakathekile kakhulu.
Your browser doesn’t support HTML5
Ingxoxo loMnu Tim Muringai