Asekuzinga eliphezulu amalungiselelo ombukiso weZimbabwe International Trade Fair oqala ngoLwesibili koBulawayo. UAnnastacia Ndlocu usethulela loludaba …
Amawotela lezinye indawo, okuhlala khona abantu ngesikhathi kusenziswa umbukiso weZITF, asegwcele njalo sokulungiswe kahle endaweni okuzabukiswa impahla etshiyeneyo. Kulamankampani ezwekazi leAfrica lezinye indawo zomhlaba adlula amakhulu amahlanu azabukisa impahla lonyaka eZITF.
UMnu. Nicholas Ndebele, umqondisi wenkampani yeZITF, uchaza kabanzi ngombukisao lo.
lsakhamuzi sakoBulawayo, uMnu. Ben Moyo, uthi kuhle ukuba iZITF yenzelwe koBulawayo lobanje kungasoze kuguqule isomo esibi somnotho welizwe.
Sesinye njalo isakhamuzi sakoBulawayo, uNkosikazi Nokuthaba Shoko, uthi abalamali yokusa abantwana eZITF.
UMnu. Promise Mkhwananzi, othakazelela ezombusazwe, uthi umbukiso lo kawusoze uncede ngitsho lakancane eleZimbabwe.
Ilunga lebandla leZanu-PF, uMnu. Believe Gaule, uthi ibandla lakhe lisembukisweni lo.
Umbukiso walonyaka, owenziwa phansi kwesihloko esithi ‘Rethink, Reimagine, Reinvent. Value Chains for Economic Development’, ugqitshwa ngeSonto.
UMongameli Emmerson Mnangagwa ukhangelelwe ukuba uzavula okusemthethweni umbukiso lo ngoba uMongameli Uhuru Kenyatta obecelwe ukuba ekwenze lokhu kasabuyi kulandela ukubhubha kowayengumongameli wakwele Kenya, umuyi uMwai Kibaki.
SEE ALSO:
Udaba Esilethulelwe NguAnnahstacia Ndlovu