Ikomishini ebona ngezokhetho, iZimbabwe Election Commission -ZEC ithi ihlandla lesibili lohlelo lokubhalisa abantu ukuthi bathole ilungelo lokuvota olwe Biometric Voter Registration, luqhubekela phambili kakuhle koBulawayo lakwezinye indawo ezigabeni zeNaNdebeleni
Kubikwa bekungela ndwendwe zabantu endaweni ezinengi lapho okubhalisela khona abantu ukuvota NgoLwesibili, yonke into ibihamba ngendlela, kutsho abeZEC.
Umqondisi we-ZEC koBulawayo, uMnu lnnocent Ncube uchasisa kabanzi ngohlelo lwabo lolu olwe Biometric Voter Registration.
Asimanga ujubhalisela ukuvota lemawifisini ethu eZec asimanga ezweni jikelele kuziqinti zethu zonke ezingamatshumi ayisithupha lantathu.Abantu bayakhuthazwa ukuzobhalisela ukuvota kusukela ngo8-5. Asimanga ukubhalisela ukuvota ngoba umthetho uyasivumela.
UMqondisi wenhlanganiso yeThis Constitution uNkosikazi Abigail Mupambi yenake ukhuthaza abasakhulayo ukuba bengadlalisi lelithuba basukumele phezulu bayebhalisa.
“Ngiyalijabulela uhlelo lokubhalisela ukuvota njalo ngikhuthaza abafana ukuba bayebhalisela ukuvota ngoba kulolungelo labo njalo bengaphuzi ukuhamba ukuze loba kukhona okufuna ukulungisiswa kwenziwe kusasemasinya hatshi isimonyeminye”
Okhankasela ukuba abantu babhalisele ukuvota uNkosikazi Cora Ndebele ungcoma uhlelo lweBVR ethi luhle ngoba luhambisana lohlelo lokuthathisa incwadi zokuzalwa lezithupha.
“Uhlelo lolu luhle ngoba luhambisana lokuthathiswa kwezincwadi zokuzalwa lezithupha ngakho abatsha abayebhalisela ukuvota kuthi labadala abangakaze babhalise labo bathathe leli thuba elihle babhalisele ukuvota ukuze benelise ukuvota ngomnyaka ozwayo”
Uzulu ukhuthazwa ukuba aphume ngobunengi ayebhaliaela ukuvota ukuze kungabikhona isigaba kumbe isiqinti esizaqunywa kumbe sihlanganiswe lesinye ngoba inani lababhalisele ukuvota kuleyondayo liphansi.
Kule nhlanganiso ezinengi ezizizimeleyo ezisebenzisana lozulu kunhlangothi ezitshiyeneyo zempilo, ezisungule imikhankaso yokukhuthaza uzulu ukuba aphume ayebhalisela ukuthola ilungelo lokuvota ezigoqela labezinkonzo. Inengi lazo zikhuthaza ikakhulu abasakhulayo ukuba baqakathekise ukuyabhalisa ukuze bathole ilungelo lokuvota njalo baphume bayevotela ikusasa yabo bekhetha inkokheli ezamela izifiso lendingekho zabo ngesikhathi sokuvotwa ngomnyaka ozayo oka2023.