UMnu. Elvis Nyathi owabulawa yizizalwane zakwele South Africa elokitshini leDiepsloot ngeviki edluleyo kudlakela olwaluqondiswe kwabokuza, ubekwe namuhla emathuneni eMvutsha koBulawayo lapho avaleliswe ngabantu abedlula inkulungwane. Amabandla agoqela eleZANU PF, Citizens Coalition for Change, ZAPU. lamanye, abambisane umthwalo wokuvalelisa umufi. Abakhulume emthandazweni wokumvalelisa baveze ukuthakazelela ukubambisana umsebenzi lo. Bachothoze uhulumende kaMongameli Cyril Ramaphosa ngesenzo lesi besithi kukhanya engani usekela abantu abazonda abokuza.
Umsekeli kasodolobho wakoBulawayo uCouncillor Mlandu Ncube ubekhona laye kulumbuthano njalo uthi abantu base maNdebeleni bahlezi behlukunyeziwe
"Amanxeba ayenzakalayo ngomnyaka wama 1980s.Sakhala ngobandlululo ebesilwenziwa lapha ekhaya njenge Bulawayo iMatebeleland yonke jikelele. Abafowethu badingukuphila bahlukuluzwe bayehlangana lokufa khonale"
Unobhala jikelele webandla leZAPU uMnu. Mthulisi Hanana uthi ezinye izizalwane ze Zimbabwe ezihlala eSouth Africa ezigangayo yizo ezibulalisa abantu abamsulwa njengo Mnu. Nyathi.
"Into eyenzakalayo yikuthi nxa kungaba labanye abalutsheana bethu abagangayo abantu be SouthAfrica bangazonda abawuboni umehluko wokuthi kulo muntu weZimbabwe omuhle kumbe omubi, sonke siba babi njoba lisazi ukuthi zonelamvu yinye. U-Elvis ufe engala cala kodwa bakhona abale cala abangafanga kwafa u-Elvis. Kasizameni ukuthi sizibambe sigwabele umthetho, silandele umthetho yelizwe."
USenator Alice Dube we Matabeleland North, engowebandla leZANU PF, uthi ukhathazekile kakhulu ngemfa kaMnu. Nyathi.
"Sithi uSatHane owenze into leyi, osebenzisa laba bantwana ukuthi basibulalele abantwana njenge nkukhu ingani u Nkulunkulu engangenela ngoba uJudas Iscariot wathengisa uJesu ngasoneso isikhathi. Sisesikhathi esikhalela uJesu owabethelwayo ngawonala ama langa elayizolo. Laye umntwanethu ubotshelwe ubulewe sithi uJudas Iscariot onjalo ingani Angazi bophela njengo Judas Iscariot, siyakwazi yimisebenzi kaSatane. Siyakhala loMongameli uyakhala, silapha nje simele uMongameli."
Owazakala njengeyinye inkosi yamaNdebele, Inkosi uMzilikazi Wesibili uthi kunini isizwe sihlupheka okwenza izizalwane zeZimbabwe ziyefela kwamanye amazwe
"Ngikukhangele ngaphelelwa, inhliziyo ibuhlungu kodwa ngikhangela futhi ngibone ukuthi into yakhona ayikapheli Sibanda. Yikho okungiziswa ibuhlungu obukhulu. Ngiyayikhalela imuli yako Nyathi yingakho ngilapha, lesizwe sonke sikaMthwakazi."
Umalume kamuyi uMnu Stanley Ndlovu ubonga abantu bonke abancedise umndeni wakoNyathi ngesikhathi sokufelwa kwabo.
"Hayi sesimbekile umzukulu wami, sibonga u Bulawayo ngokusukuma kwakhe ukuthi azoba lathi ngesikhathi sobunzima obungaka. Yikho ke thina sisithi inkosi ilibusise lonke i Zimbabwe yonke laba vela e SouthAfrica ukusilethela umzukulu wami aze sizombeka lapha. Siyabonga bantu bakithi."
UMnu. Nyathi wabulawa yizizalwane ze South Africa zimethesa umlandu wokuthi ngowase Zimbabwe kabuyele kibo. Bamtshaya ngamatshe bamtshisa wafa kabahlungu.
Your browser doesn’t support HTML5
UEzra Tshisa Sibanda Uyalandisa