Kulezizalwane zeZimbabwe ezimbalwa ezibulewe lizulu lesikhukhula ngoMvulo eDurban kwele South Africa.
Omunye wabafelwe yisihlobo nguSikhwicamfundo Oliver Nyandebvu othi sebezama ukuthwalela eZimbabwe isidumbu sikamuyi labanye ababulewe lizulu leli.
UMandebvu uthi kulabanye abadabuka eZimbabwe abahlala ePinetown, lapho okulamankampani amanengi, abadilikelwe yisakhiwo abahlala khona abanye babo batshabalala kusehlakalo lesi.
Abadabuka eZimbabwe sebedinga imali yokuthwala izidumbu zalabo ababulewe lizulu leli. I-Associated Press ibika ukuba izulu lesikhukhula eline eDurban lendaweni ezinengi KwaZulu Natal, libulele abantu abafika amakhulu amathathu - 300.
UMandebvu uthi kuyethusa okwenzakale eDurban.