Kulezizalwane zeZimbabwe ezithi sezifuna ukubuyela ekhaya kulandela ukubulawa komunye wabo eDiepsloot ngabadabuka kwele South Africa, okuthiwa bebedinga izigebengu.
Sebedlela evalweni abanengi abadabuka eZimbabwe abahlala kwele South Africa.
Bathi kungcono bebuyele ekhaya beyevota ukwenzela ukuba kuguqulwe umnotho welizwe, kuvuselelwe imisebenzi.
Omunye wabafisa ukubuyela ekhaya nguNkosazana Nqobile Nyathi, owazalelwa eTshabalala koBulawayo.
UMaNyathi uthi badinga uncedo lokubuyela ekhaya.
Lokhu kusekelwa nguMnu. Nhlanhla Moses Ncube, ongumbalisi kwele South Africa.
Lokhu kusekelwa nguNkosazana Nokukhanya Ndebele, othi izizalwane zeZimbabwe zagcina kahle abadabuka kwele South Africa abafunda eZimbabwe.
UNkosaana Ndebele uthi kuzahlupha abadabuka eZimbabwe bengaphindisela.
UMnu. Thandazani Moyo laye uthi kumele izizalwane zakwele Zimbabwe ezihlala kwele South Africa zibuyele ekhaya ziyavota.
Okwamanje izihlobo zikamui uElvis Nyathi zilungiselela ukuyamngcwaba koBulawayo. Kulabantu asebebuthelela imali ukwenzela ukunceda umdeni kamuyi.