Umanyano weZimbabwe Christian Alliance uthi ususungule umkhankaso wokukhuthaza abatsha ukuthi bebhalisele ukuvota ngoba abanye abaphathi bezinkonzo bayakwenqabela lokhu besithi yikuphatheka kwezombusazwe.
Umqondisi walumanyano uMfundisi Useni Sibanda uthi bazasebenza lezinye inhlanganiso ukuqhuba umkhankaso lo endaweni eziseMashonaland, Matabeleland, Harare lakoBulawayo njalo bazasebenzisa inkundla zebulenjini ukufinyelela eziseleyo.
Wengeze wathi bazafinyelela izizalwane zeZimbabwe ezikwamanye amazwe kuloluhlelo, lona oluzasungulwa ngokusemthethweni ngoLwesine.
Asizweni echasisa ngaloludaba, kanye lokuthi ukholo lwesiKhristu luyavumela ukuthi abantu bezikhethele inkokheli zabo.
Your browser doesn’t support HTML5
Ingxoxo loMfundisi Useni Sibanda