Kulenani labantu abalutshwana abahambe ukuyavota ngesikhathi ukhetho lwama by elections lusenziwa kwele Zimbabwe. Ingcitshi zithi uzulu kumela akuthazwe harshi ukubhalisa ukuvot kuphela kodwa lokuvota.
Embikweni okhitshwe ngabe Election Resource Centre (ERC) indawo ezinengi zilabantu abalutshwane abenelise ukuvota kulalabo ababhalise endaweni lezi.
Njengo mzekeliso I ERC ithi phakathi kwabantu ababhalise ukuvota e Mutasa South kweyinye ipolling station abangu 735 abantu abavotileyo bangu 157, kuthi e Mkoba e Gweru kweyinye indawo elabantu abangu 208 ababhalisela ukuvota kuvote abangu 88 kuphela.
Ingcwethi kwezombusazwe zithi lokhu kungabe kubangelwa yindlela amabandla ezombusazwe akhankasa ngayo, beqakathekisa abakhokheli babo ukwedlula amalunga ephalamende.
Enye yalezi ngcwethi nguMnu Pride Mkono owe Harare osithi kusobala ukuba uzulu wazi abakhokheli ukwedlula abammeli bezigabeni.
UMnu Nqobizitha Khumalo owebandla le PDP uthi inhlolisiso abayenzileyo elizweni jikelele itshegnisa ukuba abantu kabaphumanga ngobunengi.
Amanye amabandla ezombusazwe aphikisayo akhala ngokuba amabizo abantu abe ebhalwe phandle kwendawo zokuvotela abe ebhalwe ngamabala amancane okwenze abanye abantu batshiyana lakho bengaboni amabizo abo.
Abanye abantu bathi baswele amabizo abo endaweni lapho ababhalisa khona ukuvota. Abamabandla aphikisayo bathi lokhu yindlela yokuqilibezela kukhetho.
Kowa iZEC ithi akusiloqiniso lokhu ngoba iqhube ukhetho olukhululeke kakhulu njalo abantu kumele babekezele badinge amabizo abo kuma polling stations wonke aseduze labo.
Isikhulumeli se Zimbabwe Electoral Commission (ZEC) uMnu Jasper Mangwana uchasisa ngalokhu.
Omele ibandla le ZANU PF kugatsha lwabatsha olwe Youth League uMnu Mabutho Moyo uthi ibandla lakhe lizanqoba wengezelela esithi labo abathi ukhetho aluhlelekenga ngabavika ngomunwe ngoba bengalulungiselelanga lolukhetho.
IZEC okhangelelwe ukukhipha impumela yokhetho lwama by elections kusasa emini isithi labo abafuna ukubona ukuthi kuvotwe njani endaweni zabo balakho ukukhangela impumela ezaphanyekwa phandle kwama polling stations.
Your browser doesn’t support HTML5
Udaba Silethulelwa nguMlondolozi Ndlovu