UMongameli Joseph Biden, osemhlanganweni wenhlanganiso yeNorth Atlantic Treaty Organization (NATO) eBrussels, ukhangelelwe ukuba uzakhuluma lentathelizindaba namuhla kungagqitshwa umhlangano lo ohlolisisa indlela zokuvimba eleRussia elihlasela ngamandla kwele Ukraine.
I-Associated Press ibika ukuba uBiden ufisa ukuba iNATO ifakele eleRussia ezinye izijeziso zenotho ezizakwenza umkhokheli wakulelolizwe engahlaseli eleUkraine lapho asebhidlize amadolobho ambalwa.
Kukhangelelwe ukuba uBiden labanye bakhe bazakwethulela eleUkraine izikhali zokulwisana lele Ukraine lobanje bengasoze bemisa ukuphapha kwendizamtshina ezithwala imibhobho wakwele Russia ukuba ziphaphe kulelolizwe.
UMongameli Zelenskyy wakwele Ukraine uthi kukhanya engani eleRussia selibhomba lisebenzisa intuthu ye-phosphorus lezinye izikhali ezingavunyelwayo emhlabeni wonke jikelele.
UZelenskyy ucela izikhali zokulwisana lele Russia ukwenzela ukuvimba eleRussia athi lifuna ukungena ngenkani kwamanye njalo amazwe ayephansi kwele Union of Soviet Socialist Republics lingakabhidliki.
Balakho njalo ukwethesa abasekela umkhokheli wakwele Russia, uMnu. Vladmir Putin, ezinye izijeziso zenotho. UPutin laye wafakela uBiden izijeziso zenotho esithi ungenela kudaba angalwaziyo.
UPutin usesithi njalo kumele ipetulo lokunye okusetshenziswa ngamazwe athi azonda ilizwe lakhe, ahlawulele akuthola kwele Russia ngama rubbles hatshi idola leMelika.
Ihlanganiso amazwe omhlaba wonke jikelele eyeUnited Nations ithi abantu abedlula izigidi ezintathu lengxenye – 3,6 million sebebalekele impi kwele Ukraine bayaphephela emazweni atshiyeneyo.