Abalawula ezokhetho elizweni abe Zimbabwe Electoral Commission bathi asekusibanga esiphezulu amalungiselelo wokhetho lwamaBy-elections olwenziwa ngoMgqibelo, mhla ka 26. Esigabeni sakoBulawayo abeZEC bathi sebenelise ukufundisa bonke abazaphatha ukhetho labazavotisa kuthi indawo ezingela zakhiwo lapho okuzavotelwa khona sebefakile amatende lamapholisa aselindile lezondawo.
Abamabandla ezombusazwe abakade bephume ijumo bekhankasa iZimbabwe yonke bedinga usekelo lokuvotelwa kukhetho lwamaBy-Elections sebegqibe limikhankaso njengoba sekusele insuku ezine kuphela ukuthi kuvotwe.
Abalawula ezokhetho elizweni abeZEC bathi sebelungele ukuphatha lolukhetho njalo konke sekuhlelwe ngendlela belandela isisekelo sombuzo ngezokhetho.
Umqondisi weZEC koBulawayo uMnu lnnocent Ncube uchaza kabanzi ngokulungiselela ukhetho mhlaka 26 Mbimbitho.
"Sesilungele ukuphatha ukhetho njengeZEC ngoba sesenelisile ukufundisa abazaphatha ukhetho ezigabeni labazavotisa.Sesenelisile lokufaka amtents kundawo ezingela zindlu zokuvotela buye sifakile lamapholisa ukuthi basisebenzele kulezondawo. Uma abanu bonke sebekhona sizafaka konke okudingaalayo ngelanga lokhetho."
Uqhubekele phambili ekhuthaza amabandla ukuba babone kuthi amabizo alabo abazaqopha ukhetho afika masinya eZEC.
"Sithe phose sesilungiselele ukhetho lamhlanje abancintisayo bebebona amaballot paper. Abazaqopha ukhetho sikhangelele ukuthola amabizo abo bawase kuNkosikazi Khuphe obona ngokhetho koBulawayo ukuze singabilobinzima mhla welanga lokhetho."
Oncintisa kukhetho edinga ukumela ibandla leCCC esigabeni seNkulumane, edale lephalamende, uMnu Phulu Kucaca uthi baphakathi kokulungisisa konke okufunwa ngabeZEC.
"Siphakathi kokulungiselela ukhetho silungisa amaphepha afunakalayo, sikhankasile sesikhangelele ukuyangena kukhetho sikhangelele ukuba sibone ukuthi yonke into imikahle. Kulabo abazaqopha ukhetho siphakathi kokuphanyeka amabizo abo. I-ZEC iphuzile ukufaka amatende kukhanya sengathi baphuzile ukuthola impahla yokuvotisa."
llunga lebandla leZANU-PF umnumzana Tshuma uthi akalansolo ngokusebenza kweZEC.
"Amalungiselelo ahambe kuhle sesidingile senza konke okufunakalayo ekuphathekeni kukhetho njalo sikhangelele ukubalokhetho olubalulekileyo lokuthula buye sikhangelele ukunqoba. Akulanto engiyisolayo kumbe ukungcoma i-ZEC ngoba kumele baphathe kuhle umsebenzi wabo lobanje bephanjaniswa ngabangafuni kubelokhetho asihambeni ebhokisini singabi lovalo."
Mhlaka 26 Mbimbitho izwe liya kukhetho libuyisela inkokheli zekhansili lezedale lephalamende ezaxotshiswa ezikhundleni ngendaba zokundonselana kumabandla aphikisayo.
Ngasikhathi sinye abekhomishini eqondisa ezokhetho eyeZimbabwe Electoral Commssion phezu kokuqondisa lolu khetho bathi bathanda ukwazisa uzulu ukuthi lokhu beqhubeka ngolunye uhlelo lwabo lokubhalisa abantu ukuba bathole ilungelo lokuvota, olweVoter Registration kulungiselelelwa lokubumba izigaba ezintsha zokhetho lomnyaka ozayo oka2023.
Your browser doesn’t support HTML5
Udaba lwabe ZEC abathi ssebelungele ukhetho lwamaBy-elections siluphiwa nguAnnahstacia Ndlovu