WASHINGTON DC – Kuhlandla lokuzilibazisa namuhla sihamba leqembu le-rhumba elisacathulayo eleThemba Linye Sounds, liphethe idlalade lalo elitsha.
Iqembu leli lidabuka eBinga njalo leli lidlalalde lalo lakuqala.
Isihloko salo sithi ‘Sebebheka Ngezibaya’ kanti lilengoma ezintathu nje kuphela ezibalisa yona eyisihloko, Imithandazo Ayifani kanye lethi Matewu 7.
Umkhokheli waleliqembu uAdmire Sibanda utshele iStudio 7 ukuthi abafisa ukuthenga umculo wabo bengabathola kukhasi labo leFacebook eliphansi kwegama laleliqembu kanye lasenkundleni yeYouTube.
“Sifuna ukubonga kubalandela asebekwazile ukuthi basisekele ngokuthenga umculo wethu njengabantu abasaqalayo. Kusijabulisile kakhulu, kusikhulisile njalo kusitshengise ukuthi esikwenzayo kube yinjabulo ebantwini,” kutsho uSibanda.
Your browser doesn’t support HTML5
Udaba Siluphiwa nguNtungamili Nkomo