Kuliviki kuhlelo Woza Friday silontombazana osakhulayo, uZibusiso Sibanda odume ngokuthi Carol Sibanda. Ucula umdumo weAfro Fusion ekoBulawayo.
Wakhetha ukuzibiza Carol kwezomculo ngoba ethi leligama limenza azizwe elamandla okucula.
Udabuka ngaphi uCarol?
"Ngibuya emulini yabantwana abangu-five, mina ngowakuqala, ngilabanawami abangamantombazame abathathu lomnawami ongumfana oyedwa. Ngakhuliswa ngugogo ekhaya, eKezi koMalaba, iprimary ngafunda eNhlupho Primary School eMatabeleland South. ISecondary ngafunda eGohole High School."
Uyaqhubeka uMaDawu elandisa ukuba ekukhuleni kwakhe wayevele efuna ukuba ngumculi kumbe hatshi.
"Ukuhlabela ngiqale ngo2017, ingoma yami yakuqala ngisebemze loLucky sicule sonke ingoma ethi 'You are my reason'. Imusic engiyiculayo kuthiwa yiAfro Fusion ngisebenze lama artistes amalutshwane eJohannesburg labanye lapha koBulawayo. Ngile album eyi one ethi 'This is me' and then ezinye ngama single."
Njengabaculi abanengi uCarol laye wathinteka ukungena kwezomculo ngokubona abanye abaculi abalodumo.
"Umuntu owangenza ngathanda imusic ngu Beater Mangethe. Noma manje ngiyamthanda ingoma zakhe. Kukhona ingoma yami ethi 'Bulawayo' engifisukuthi ma ngingabe ngisenza ivideo ngiyenze in Loving Memory of yena."
Isikhathi silomona Madawu, phosela ilizwi kubalaleli ungakahambi.
"Ngiyathanda ukubonga abantu isupport abangipha yona kumusic yami. Ngiyafisa ukuthi ngelinye ilanga ngibe lami ngumculi omkhulu wakoBulawayo. Ingoma zami zitholakala kuyoutube channel yami ebhalwe Carol Sibanda, kufacebook nguCarol Sibanda, kuInstagram nguCarolBlues10, Twitter nayo nguCarol Sibanda, ngiyabonga."