Isiphathamandla esibona ngokuqhutshwa kwenhlelo zokhetho kubandla leCitizens Coalition for Change uNkosikazi Ellen Shiriyedenga uthi okudanisayo yikuthi abesifazana yibo abanengi kuluhlu lwabalelungelo lokuvota kodwa balutshwane ezikhundleni zombusazwe.
Uthi inengi labesifazana abasakhulayo abaphatheki kwezombusazwe njalo uhlelo lukahulumende olweNational Gender Policy aluthuthukisi omama njengenjongo yalo.
Ekhuluma ngosuku lokunanza amalungelo abesifazana ngoLwesithathu, umsekeli kamphathintambo wogatsha lwabesifazana uNkosikazi Jennifer Mhlanga uthe uhlelo lukahulumende olweNational Gender Policy kufanele lulungiswe ukwenzela ukuthi abesifazana bakhuthale ukuphatheka kwezombusazwe.