EleZimbabwe selisayinelane leleKenya izivumelwano ezigoqela ezokusebenza ndawonye ukuthuthukisa umnotho wamazwe womabili, ezomvikela, ezokuvakatshelana, ukuthengiselana, kanye lokuthuthukisa impilo yabasakhulayo labesifazana.
Ekhuluma lentathelizindaba ngoLwesithathu ngemva komhlangano lomongameli Emmerson Mnangagwa eNairobi, umongameli Uhuru Kenyatta weKenya uthe izivumelwano lezi ziqinisa ubuhlobo belizwe lakhe leleZimbabwe, obusukela ilizwe lakhe lingakatholi uzibuse. Uthe kulabantu beZimbabwe abomhlobo wesiShoneni abahlala eKenya ngemnyaka yabo 1960s asebalungiselwa incwadi zokuhlala kulelolizwe ngokusemthethweni.
Umongameli Emmerson Mnangagwa utshele umhlangano ofanayo ukuthi bakhulume ngodaba lwamalwecatsha akuzwekazi le Africa kanye lokuphathelane lomkhuhlane weCOVID 19.
Ukuhlaziya loludaba, sixoxe loMnu. Joseph Tshuma ongusomabhizimusi njalo elilunga lebandla leZANU PF esiqale ngokumbuza ukuthi kambe ziqakatheke kangakanani izivumelwano lezi.
Your browser doesn’t support HTML5
Ingxoxo loMnu. Joseph Tshuma