WASHINGTON DC – UMongameli Emmerson Mnangagwa wethekelele kweleKenya ngoLwesibili ukuyaphatheka emhlanganweni weZimbabwe-Kenya Joint Permanent Commission on Cooperation.
Umphathintambo obona ngokwethulwa kwembiko uNkosikazi Monica Mutsvangwa utshele intathelizindaba ukuthi umhlangano lo ngowensuku ezintathu njalo ujonge kuqinisa ubudlelwano phakathi kwamazwe womabili kunhlangothi ezitshiyeneyo ezigoqela olokuthengiselana.
Kusenjalo, uMnangagwa usekhethe uMnu Nelson Mutsonziwa ukuthi aphathe isikhundla sikamtshutshisi omkhulu, uprosecutor-general, kulandela ukutshiya umsebenzi kukaMnu Kumbirai Hodzi, yena obukwa engezwa kuhle.
Lokhu kwaziswe ngunobhala osebenzela ehofisini kaMnangagwa lakudale labaphathintambo eleCabinet uMnu Misheck Sibanda kumbiko awethulele intathelizindaba ngoLwesibili.
Kodwa katshongo ukuthi uMutsonziwa uzaphatha isikhundla lesi okwesikhathi esinganani.