Ibandla lamaRepublicans eleMelika lithi ukuhlaselwa kwelizwe le Ukraine ngele Russia kungumlandu kamongameli Joe Biden ngoba esehluleka ukuphatha kuhle udaba lobudlelwano lamanye amazwe.
Lokhu kuvezwe yisiphathamandla salelibandla uNkosikazi Kim Reynolds ephendula umbiko we State of The Union Address owethulwe ngumongameli Biden ngoLwesibili.
UNkosikazi Reynolds unike umzekeliso wokususwa kwamabutho kwele Afghanistan ngomnyaka odluleyo othi kwabangela ukubhubha kwezinye izizalwane zeMelika njalo kwadanisa amanye amazwe angabangane, kwathabisa ayizitha.
Uthe umongameli Biden, ongowebandla lamaDemocrats wavumela ukuthi eleUkraine lihlaselwe ngendlela aphatha ngayo izijeziso zeRussia eziphathelane lamafutha ephethulo.
Kodwa umongameli Biden uthi uphumelele ukuthola usekelo lwamazwe omhlaba ukuthi asole okwenziwe ngeleRussia. Asizweni ingxenye amazwi akhe.
Your browser doesn’t support HTML5
Lalela Amazwi kaMongameli Joe Biden
Ukuhlaziya loludaba, sixoxe loMnu. Zenzo Nkomo, ingcwethi ecubungula ezombusazwe.
Your browser doesn’t support HTML5
Ingxoxo loMnu. Zenzo Nkomo