Isisindo sedola le Zimbabwe siqhubeka sisehla nxa liqathaniswa ledola leMelika. Lokhu sokubangele ukuthi intengo yempahla ezitolo iqhubeke iqonga.
Emkambo wemali osemthethweni idola leMeLika selithengwa ngamadola eZimbabwe alikhulu lamatshumi amabili, 1:120, kuthi emkambo wensitha idola leMelika selithengwa ngamadola eZimbabwe adlula amakhulu amabili.
Ingcwethi ecubungula ezomnotho welizwe, uMnu. Rejoice Ngwenya uthi okunye okungaba kubangela ukuthi isisindo semali yeZimbabwe sehle yikuthi uhulumende uhlezi ebambe ngamandla uzulu ukuthi asebenzise idola le Zimbabwe.
Usomabhizimusi wako Bulawayo uMnu. Edwin Ndlovu uthi okunye okwenza ezomnotho zingahambi kuhle yinkohlakalo, icorruption.
Enye njalo ingcwethi ecubungula ezomnotho welizwe, uMnu. Effie Dlela Ncube uthi okunye okungaba kubangela ukuthi isisindo semali yeZimbabwe sehle yikuthi ezombusazwe azilungiswanga kuhle.
Uhulumende uyala isicebiso sengcwethi kwezenotho sokukuthi ilizwe lisebenzise idola leMelika njengokwake kwenzakala ngesikhathi sikahulumende womanyano kodwa yena uyafunga egomela esithi kasoze avumele lokhu.
Your browser doesn’t support HTML5
Udaba Silethulelwa nguChris Gande