Inhlanganiso ezizimeleyo zithi lanxa zikhuthaza abantu ukuthi bebhalisele ukuvota, inengi alisukumeli phezulu ngakho kulokhe kulokwesabela ukuthi ezinye izigaba zeMatabeleland lakoBulawayo zingakhutshwa ngohlelo lwe delimitation exercise.
Ikhomishini yeZEC yona ithi iphakathi kokuqhuba imkhankaso ehlukeneyo efana lama road shows, eyokukhuthaza abantu ukuthi bebhalisele ukuvota kukhetho lwama by-elections ngenyanga ezayo.
Ikhomishini le ithi isibhalise abazinkulungwane ezingamatshumi amahlanu; 50 thousand kuyonale inyanga abazavota okwakuqala njalo inani eliphezulu ngeleHarare eliyingcosana ngeleMatabeleland North.
Umanyano weEkhaya Vote 2023, enye yenhlanganiso eqhuba umkhankaso ofanayo uthi ulokhe ukhulumisana leZEC kanye lehofisi kamsitheli ngezinye ingxaki ezinqabela ukuthi abantu bebhalisele ukuvota.
Asizweni ingxoxo esiyiqhube lesikhulumeli salumanyano uMnu. Nkosikhona Dibiti.