Izakhamizi zeZansi yemaNdebeleni zithi sezamukele ngezandla zombili inyathelo likahulumende elokuvula imngcele zisithi kuzaguqula impilo zabo.
Izakhamizi esixoxe lazo zithi lelinyathelo lifike ngesikhathi esiqondileyo ngoba ziphila ngokuthengisa impahla abaziwoda kwamanye amazwe agoqela eleSouth Africa leBotswana.
UMnu. Collin Sibanda oyisakhamuzi seNtepe eGwanda uthi njengabahlali bemaNdebeleni kuyabathokozisa ukuvulwa
Uphinde wathi eminye imndeni ibisidabuka phakathi ngenxa yokuvalwa kwemngcele lokhu.
UNkosikazi Matilda Dube oweVokola uthi uzulu usezavakatsha kuhle engela kwesaba bokubanjwa yizigebengu lapho ehamba ngendlela zokuqumela.
UMnu. Vusa Nkala oweGungwe eGwanda South uthi ukuvulwa kwemingcele lokhu kuzakhuthaza uzulu ukuthi ayehlaba ijekiseni yeCovid 19 vaccine.
Abazavunyelwa ukuchapha imngcele ngabahlatshwe lijekiseni njalo kuzamele bahlolwe igciwane leCovid 19.
Kusenjalo uzulu weZansi yemaNdebeleni ukhuthazwe ukuthi ayebhalisela ukuvota. Lokhu kulandela imbiko eveza ukuthi eleZansi yemaNdebeleni lihambela emuva kuhlelo lokubhalisela ukuvota.
UMnu. Constentine Mpofu ongumqoqi wenhlanganiso yabatsha eyeMatobo Youth Development Initiative ukhathaza ontanga kanye lozulu jikelele ukuthi bethathe ithuba lekhefu labatsha ngoMvulo ukuyabhalisela ukuvota.
Izabelo ikakhulu ezeZansi yemaNdebeleni, koBulawayo, eMatabeleland North, zilakho ukuqunywa ezinye izigaba zama-constituency ngenxa yenani elilutshwane labantu ababhalisela ukuvota.