Inhlanganiso ebona ngokuqhutshwa kokhetho eyeZimbabwe Electoral Commission ithi ihlangene leziphathamandla zezigodlo zakwamanye amazwe eziseHarare ngoLwesine ukuzichasisela ngamalungiselelo okhetho oluzayo olwama by-elections. Asenelisanga ukuthola ulwazi lokuhlafunwe kulumhlangano ngesikhathi sisiya emoyeni.
Inhlanganiso le ithi isiqinise inhlelo zokufundisa abantwana besikolo ngaloluhlelo ngendlela yokubakhuthaza ukuthi bevote.
Kusenjalo, uNkosazana Visitor Ndebele, omunye ozancintisa kukhetho loludinga ukhansila ka ward 12 eNjube koBulawayo, engowebandla leMDC Alliance, usichasisela ngamalungiselelo akhe okhetho.
IStudio 7 isikhulume labanye abesifazana ababili abazancintisana loNkosikazi Ndebele, ababalisa uNkosikazi Lillian Mlilo webandla leCitizens Coalition for Change, kanye loNkosazana Esnath Khumalo webandla leRepublican Party of Zimbabwe njalo iphakathi kwemizamo yokuxoxisana labanye.