WASHINGTON DC - Ibandla leCitizens Coalition for Change (CCC) lithi liyehluleka ukukhankasela ukhetho lwamaby-elections oluzakwenziwa mhlaka 26 ngenyanga ezayo ngoba amapholisa ebopha abasekeli balo njalo ebalisa ukwenza imihlangano.
Lithi umkhokheli walo uMnu Nelson Chamisa waliswe ukuyahlangana lamalunga alelibandla koBulawayo kanti labasekeli balo babotshiwe eGweru besetheswa icala lokwenza umbuthano wokukhankasela ukhetho bengela mvumo yamapholisa.
Abebandla likaChamisa bathi njalo amalunga abo ayabotshwa mahlayana ngoba egqoke imvunulo yebandla elombala olithanga. Bathi okubacunulayo kakhulu yikuthi abeZanu PF abahlutshwa ngamapholisa.
Umkhokheli weZanu PF uMongameli Emmerson Mnangagwa uzakwenza owakhe umhlangano wokukhankasela amaby-elections eEpworth ngempelasonto.
Umanyano wenhlanganiso zokholo lwesiKhristu oweZimbabwe Heads of Christian Denominations wethule umbiko ngoLwesithathu usithi abezomvikela, abagoqela amabutho lamapholisa akumelanga bangenele kundaba zombusazwe kumbe ukuthatha uhlangothi kumalungiselelo okhetho.
Ukuhlaziya loludaba, sixoxe lelunga leZanu PF uMnu Joseph Tshuma endawonye loncintisa ukuba ngukhansila webandla leCCC koBulawayo uMnu Edwin Ndlovu onguye osungula lingxoxo.
Your browser doesn’t support HTML5
Ingxoxo loMnu Edwin Ndlovu loMnu Joseph Tshuma