Uzulu wako Bulawayo obefuna ukugada amabhasi uzithole elindile phose ikuseni yonke ngemva kokuba amabhasi ehanjiswe ukuyathwala abantu abakade besiyahlangabeza uMongameli Emmerson Mnangagwa egcekeni lendizamtshina ele Joshua Mqhabuko Nkomo Airport.
UMnangagwa wethulele abantu kade bezomhlangabeza amazwi akhe elandisa ngokwenzakala emhlanganwni wezomumo womkhathi eScotland.
UMnangagwa uthe walanda uMongameli Joe Biden weleMelika wambuza ukuthi kungani engaphathi kuhle udaba lwe Zimbabwe.
Uthi uBiden wamthembisa ukuthi engafika ekhaya uzamtshayela ucingo bakhulumisane.
Uthe inhloko kahulumende wele Bhilitane uMnu. Boris Johnson wamlanda ebobotheka efuna ukumxhawula yena wala esithi kumele aqale axolise.
UKuhlaziya loludaba sixoxe locubungula ezombusazwe, uMnu. Ambrose Sibindi.
Your browser doesn’t support HTML5
Ingxoxo loMnu. Ambrose Sibindi