Izakhamizi zeLupane zithi zikhangelele ukuthola usizo kunhlelo zokuthelezela ezibalisa olwe Bubi-Lupane Irrigation Scheme lolwe Lupane Water Supply ezisungulwe ngumongameli Emmerson Mnangagwa ngempelaviki edluleyo eLupane.
Inhlelo lezi zikhangelelwe ukuphathisa kuzilimo zengqoloyi lomumbu.
Umphathintambo kahulumende eMatabeleland North uMnu. Richard Moyo, ongumgcinisihlalo walesi isigaba kubandla leZANU PF, usanda ukutshela iStudio 7 ukuthi amanzi avela kuhlelo lweGwayi-Shangani Dam, olusaqhutshwayo, azasetshenziswa kusukela ekupheleni komnyaka ozayo.
Ummeli weLupane East edale lephalamende, ekubandla leZANU PF, uMnu. Mbongeni Dube, utshele uSithandekile Mhlanga weStudio 7 ukuthi inhlelo lezi zizaletha imisebenzi ikakhulu kwabatsha, kanye lamabhizimusi okupheka isinkwa.
Your browser doesn’t support HTML5
Ingxoxo loMnu. Mbongeni Dube
Kodwa uMnu. Abednico Bhebhe, owayemela iNkayi South edale lephalamende uthi kunuka santungwana ngemizamo kahulumende njengoba ukhetho solusondela, ngoba inengi lenhlelo zokuthelezela zazivele zikhona ziqhutshwa yinkampani yelizwe eye Arda.
Your browser doesn’t support HTML5
Ingxoxo loMnu. Abednicho Bhebhe