Umgcinisihlalo webandla leMDC Alliance, uNkosazana Thabitha Khumalo ulandula imbiko yokuthi usehlamukele ibandla.
Kubikwa kulamanye amalunga ebandla leli athi uNkosazana Khumalo ukhanya engahambelani lokwenzakala ebandleni leli okungaqanjwanga.
Njengesibonelo bathi kumaviki amabili kuze kwenziwe umcimbi wokunanza iminyaka engamatshumi amabili lambili koBulawayo lelibandla labanjuwa, owawukhokhelwa ngumkhokheli webandla, uMnu. Nelson Chamisa, uNkosazana Khumalo wayengekho.
Kodwa umakhumalo utshele iStudio Seven ukuthi elokhu esekela ibandla ngokugcweleyo kodwa yikuthi ubengezwakuhle emzimbeni yikho engadidizeli njengalokhu okumele kwenziwe ngumgcinisihlalo webandla ngalesi sikhathi ukhetho luseduzane.
Your browser doesn’t support HTML5
Ingxoxo loNkosazana Thabitha Khumalo