Ugatsha lwezempilakahle lubika ukuba kulabantu ababili nje kuphela ababulewe ngumkhuhlane we covid 19 izolo.
Leli linani elehla kakhulu ngoba kumaviki amalutshwana asanda kwedlula kuke kwabubha abantu abedlula ikhulu ngelanga linye.
Lolugagtsha luthi kulabantu abangamatshumi amane lasithoba munwe munye, 49, ababanjwe igcikwane le coronavirus.
Leli lalo linani eliphansi kakhulu ngoba kulesikhathi abake bafika inkulungane eyodwa ababanjwe igcikwane leli ngelanga linye.
Kubikwa kulabantu abedlula inkulungwane eziyithoba minwe mibili, 8 395 abahlatshwe ijekiseni yakuqala yecovid 19 kuthi abazinkulungwane ezilitshumi lane, 14 130 bahlatshwa ijekiseni yesibili.
Kutsho ukuthi asebehlatshwe ijekiseni ye covid 19 elizweni jikelele sebesedlula izigidi ezimbili, 2.8 million.
Lawa ngamanani aphansi ngoba ilizwe likhangelele ukuthi kuhlatshwe abantu abayizigidi ezilitshumi, 10 million ukuze leligcikwane lingqandwe.
Sixoxe loMfundisi Useni Sibanda owe Christian Alliance, enye yehlanganiso eziphathisa uzulu ngalesi sikhathi sobhubhamne le covid 19.
Your browser doesn’t support HTML5
Ingxoxo loMfundisi Useni Sibanda