Inhlanganiso emela izizalwana zeZimbabwe kweleSouth Africa, iZimbabwe Community in South Africa, kanye leAfrican Diaspora Forum sezisole kakhulu umkhankaso wezinye izalwane zaseSouth Africa ezithi uMeya wedolobho leJohannesburg omutsha uMnu Jolidee Matongo kumele esuke kulesisikundla ngoba uyise eyisizalwane seZimbabwe.
Ibandla elibusayo kulelolizwe eleANC likhethe uMatongo ngoLwesithathu ukuthi angene kulesisikhundla ngemva kokubhubha kukaMeya owayekhona.
Labo abafuna asuswe bathi ngeke bakhokhelwe ngumuntu wokuza lanxa nje umthetho ukubeka sobala ukuthi umuntu ozalelwe kweleSouth Africa uyisizalwane salelolizwe lanxa abazali bakhe kumbe omunye wabazali bakhe edabuka kwelinye ilizwe.
I-ANC yethule umbiko isekela uMatongo isithi uyisizalwane sakweleSouth Africa esigcweleyo.
Inhlanganiso zabakwamanye amazwe zithi udaba lolu luveza sobala ukuthi ukubandlululwa kwabakwamanye amazwe lulokhe lubhahile eSouth Africa.
Sixoxe lesikhulumeli seZimbabwe Community in South Africa uMnu Bongani Mkhwananzi.
Your browser doesn’t support HTML5
Ingxoxo loMnu. Bongani Mkhwananzi