Ukwengezelelwa kwamany amaviki amabili kuhlelo lokuvala ilizwe phansi kwemigoqo ye Covid 19 kwamukelwe nguzulu ngembono ehlukeneyo.
Abanye bamukele lelinyathelo ngenjabulo besithi kuzaphathisa ukumisa ukumemetheka kwegcikwane le coronavirus.
Kodwa abanye abafana labenhlanganiso yabaphila ngokuzisebenza, iBulawayo Vendors and Traders Association, bathi uhulumende kumele engeze inani labantu abahlatshwsa ijekiseni yeCovid-19 ngosuku hatshi ukuqhelisa isikhathi sokuqiniswa kweziqondiso ezijonge ukwenqabela lumkhuhlane kuphela.
UMnangagwa wazise izolo ukuthi iziqondiso lezi zizaqhubeka zikhona okwamanye njalo amaviki amabili.
Uthe uthethe inyathelo leli ngoba inani labantu ababulawa yilumkhuhlane lilokhe liphezulu kakhulu lanxa nje labo abafunyanwa belawo sebehlile.
UMnangagwa ukhuthaze uzulu ukuthi alandele iziqondiso lezi njalo ahlatshwe ngobunengi ukuze uqedwe lumkhuhlane. Wengeze wathi uhlelo lokuhlaba abantu ijekiseni yeCovid-19 luqhubeka kuhle lanxa nje amajekiseni ebikwa esilela kwezinye indawo.
Sixoxe lesiphathamandla senhlanganiso yeBulawayo Vendors and Traders Association uMnu Michael Mdladla Ndiweni.
Your browser doesn’t support HTML5
Ingxoxo loMnu. Michael Mdladla Ndiweni
Siphinde saxoxa loMfundisi Useni Sibanda isikhulumeli senye yenhlanganiso eziphathisa uzulu ngalesi sikhathi sobhubhane lwecovid 19 eye Zimbabwe Christian Aliance.
USibanda uthi lanxa besemukela ukuqheliswa kwe lockdown, kumele kukhankaselwe ukuhlatshwa kwabantu abanengi ukuze ilizwe livulwe ngokupheleleyo.
Your browser doesn’t support HTML5
Ingxoxo loMfundisi Useni Sibanda
Kusenjalo, ugatsha lwezempilakahle luthi kulabantu abalitshumi lasithoba munwe munye, 19, ababulewe ngumkhuhlane we covid 19 kumanani awethulwe izolo.
Ngasikhathi sinye kulabantu abangamakhulu amahlanu, 526, ababanjwe igcikwane le coronavirus.
Kumanani awethulwe izolo kulabantu abdelula inkulungwane ezingamatshumi amathathu, 33 210 abahlatshwe ijekiseni yakuqala eye covid 19, okulinani elithe xaxa.
Lokhu sikudaba lwe covid 19, idolobho le Victoria Falls elithiwa lilenani eliphezulu labantu asebehlatshwe ijekiseni ye covid 19 okuthiwa ngabezempilakahle yi head immunity, okwenza babe balutshwana abathelelana leligcikwane.
Omunye wabaqala ukubanjwa igcikwane le coronavirus elizweni nyakenye kuqala ubhubhane lwecovid 19 ngowedolobho leli.
Sixoxe lesakhamuzi salelidolobho, uMnu. Ephias Mambume ukuze sizwe okunengi ngaloludaba.
Your browser doesn’t support HTML5
Ingxoxo loMnu. Ephias Mambume