Uzulu uthi kumele kubotshwe iziphathamandla zikahulumende ezetheswa icala lokuntshontsha imali eyayimele iphiwe abantu abadubekayo ngesikhathi seCovid-19 nyakenye.
Ihofisi kaAuditor General yethule ugwalo oluveza ukuthi imali ephezu kweZ$89 million eyayimele iphiwe abantu laba kanye lamankampani ayesethwele nzima ngenxa yokuvalwa kwelizwe ayikhanyi ukuthi yaya ngaphi.
Lolugwalo luthi iziphathamandla zikahulumende ezingaqanjwanga ngamagama zantshontsha limali ngokubhalisa ukuthi ziyabele abantu thize zona zizifakele ezikhwaneni.
Imali edlula iZ$180 million eyayikhangelane lokulungisa ama-isolation centers layo akwaziwa ukuthi yaya ngaphi.
Ineni lithi uhulumende kumele aveze amagama eziphathamandla lezi njalo azixotshe umsebenzi.
Owayengumphathintambo wezempilakahle uMnu Obadiah Moyo uxotshwe umsebenzi nyakenye ngemva kokwetheswa icala lenkohlakalo alasukela ekuthengweni kwezinto zokuvikela umkhuhlane weCovid-19.
Sixoxe lolwela amalungelo oluntu njalo engumkhokheli wenhlanganiso yeIbhetshu likaZulu uMnu Mbuso Fuzwayo.
Your browser doesn’t support HTML5
Ingxoxo loMnu. Mbuso Fuzwayo