Inhlanganiso elwela ilungelo loluntu iveza ukuba kulokusilela kwamajekiseni ecovid 19 esigabeni seMatabaleland South ngesikhathi inani lababanjwa igcikwane lecoronavirus ledlule inkulungwane elengxenye, 1 540 ngelanga linye kwabhubha abedlula amatshumi amathathu, 33.
Lolugatsha luthi amanani esigaba se Matabeleland South awethulwanga izolo okutsho ukuthi amanani la angaba ephezulu kulalawo awethulwe izolo.
Ugatsha lwezempilakahle luthi abantu abedlula inkulungwane ezine, 4 638 bahlatshwe ijekiseni yecovid 19 eyakuqala.
Kunjalo nje, inhlanganiso yeMatabeleland Institute for Human Rights ithi ukudingisisa ekuqhube emawadini aseMatobo, Mangwe, Gwanda, leInsiza esigabeni seMatabeleland South, kuveza ukuthi amajekisini awokwenqabela umkhuhlane weCovid 19 aweneli, ngakho inengi alifinyeleli ukuhlatshwa.
Ijekiseni esilela kakhulu kubikwa kungeyakuqala njalo abayidingayo batshelwa ukuba baye ezibhedlela ezinkulu kodwa bathi imota azitholakali lula njalo ezikhona ziyadula kukanti abalasiqiniseko sokuthi ijikiseni leyo bazayithola.
Ukuze sizwe okunengi okuphume kulolu uphenyo, uSithandekile Mhlanga weStudio 7 uxoxe loMnu. Khumbulani Maphosa, umqondisi walinhlanganiso.
Umphathintambo obona ngenhlelo zemali uMnu. Mthuli Ncube, usanda ukutshela iphephandaba le The Herald ukuthi uhulumende uzasebenzisa imali edlula izigidi ezingamatshumi ayisikhombisa-70 million dollars ukuthenga ijekiseni yokwenqabela i-covid 19 ukuze abantu abafika izigidi ezilitshumi 10 million bayifinyelele okungenqabela ukumemetheka kwalumkhuhlane elizweni.
Your browser doesn’t support HTML5
Ingxoxo loMnu. Khumbulani Maphosa
Lokhu sikudaba lunye, eHarare kubikwa ukuminyana ezibhedlela kunganeno kulezinye izindawo zelizwe ezifana lakobulawayo osekungaseneli mibheda yezigulane.
Sixoxe lomela isigaba se Southerton, uMnu. Peter Moyo ukuze sizwe imbono hakhe ngaloludaba.
Your browser doesn’t support HTML5
Ingxoxo loMnu. Peter Moyo