Izakhamizi zakoBulawayo kanye labosomabhizimusi sebamukele inyathelo elisanda kuthathwa ngamapholisa elokwalisa abantu ukuthwala izikhali ezifana lemibhobho, izingqamu, induku, imikhonto, amahloka, amarekeni lezinye ezitshiyeneyo ngenjongo yokwehlisa ubugebengu osobubhahile kulelidolobho.
Izigebengu ezihlasela zihlome ngemibhobho sezibamba inkunzi ngitsho lasemini libalele njalo sezigqekeze amabhizimusi amanengi agoqela izitolo, amagalaji amafutha ezimota lokubamba izimota ezithwala imali ezifana lebithwele imali yakoChoppies kumaviki edluleyo.
NgoLwesihlanu zibambe inkunzi igalaji lakoFlo eTshabalala zadubula owesilisa osebenza khonapho walimala kakubi. Isikhulumeli samapholisa kulelidolobho uMnu Abednico Ncube utshele inkundla yeCite ukuthi benza konke abakwenelisayo ukuqeda ubugebengu lobu.
Uthi njalo imibhobho esetshenziswayo ingeniswa elizweni ngudlu ivela emazweni angawaqambanga. Sixoxe lesiphathamandla senhlanganiso yeBulawayo Progressive Residents Association uMnu Thembalani Dube.
Your browser doesn’t support HTML5
Ingxoxo loMnu. Thembelani Dube
Sixoxe njalo losomabhizimusi uMnu Edwin Ndlovu othi abamabhizimusi abasahlalisekanga kulelidolobho.
Your browser doesn’t support HTML5
Ingoxoxo loMnu. Edwin Ndlovu