Izakhamizi zakoBeula zithatha inyathelo lokuzakhela isikolo.
Abazali bathi sekuyiminyaka belesifiso sokwakha lesisikolo kodwa iminwe yaba mfitshane kungakho okwamanje balethemba lokuthi lumsebenzi uzaphutsha ngoba sebencedisana lenzalo yakulesisigaba eseGoli.
Abafundi abahlala koHumbana ngaphansi kuka Sobhuku uMnyaka lapho okungcelelana khona uWard 5 lo 6 bahamba umango ongaba yisilinganiso sama khilomitha angamatshumi amabili mihla ngemihla besiya esikolo seMzila.
UMnu Luka Ncube ongumgcinisihlalo wekomidi eyakha lesisikolo uthi bahlangane nyakenye labanye bakhe eSouth Africa bathatha lelinyathelo lokwakha isikolo bencedisana lezakhamizi.
Uthi njalo banazelele ukuthi abantwababo abaqhubi kuhle ezifundweni ngenxa yomango omude abawuhamba malanga onke njalo lokhu kubafaka engozini.
UMeli wedale lephalamende eMatobo South uMnu Soul Mahalima Ncube uqhube umhlangano lekomidi yalesisikolo lapho anikeze isipho sempahla zokwakha, uthi uhulumende uzasekela ukwakhiwa kwaesisikolo.
Inengi labafundi eZansi yemaNdebeleni ikakhulu elisezikolo zemaphandleni kaliphumelelanga kumihloliso yanyakenye ekaGrade 7. Ababalisi bathi okunye okubangele ukungaphumeleli kwabafundi kulesisabelo yimango emide abayihambayo besiya esikolo okudala ukuthi baphuze esikolo bathole ezinye izifundo sezedlule.
Kusenjalo kolunye udaba izakhamizi zeGaranyemba zikhala ezimathonsi kulandela ukutshotshwa kwama Solar panels ekilinika yeGaranyemba kuthange ebusuku.
UKhansila walindawo uMnu Miclas Ndlovu uveze ukudana ngalesisehlakalo.
Uthi lokhu kuzadala ukuphazamiseka kokwelatshwa kwabagulayo kulikilinika.
Lanxa inhlanganiso ezizimeleyo kanye labaphathisayo bephethe besekela izakhamizi ngokufaka amandla kagesti elanga ukuze bazithuthukise ngokupompa amanzi ukuze balime lezinhlelo zihlezi ziphazamisekile ngenxa yokutshotshwa kwamasolar lokhu
Your browser doesn’t support HTML5
Udaba Silethulelwa ngu Albert Ncube